Txernobilgo, Ukrainako, baliabiderik gabeko haurrentzat eta haien familientzat laguntza

CHERNOBIL elkartea 1996az geroztik lanean ari da hondamendi nuklearrak kaltetutako zonaldeko haurrei indarrak hartzeko aukera ematen, Euskadiko eta Nafarroako familien bidez. Orain, pairatzen dituzten osasun arazo eta arazo soziokonomikoei gerra izugarri bat gehitu zaie. Inoiz baino arrazoi gehiago dago gure etxeetako ateak irekitzen jarraitzeko, baina oraindik ezin gara haraino iritsi. Hala ere, gure boluntariotza sareak larrialdiko lehen laguntza bat helaraz diezaieke, gurekin lan egin ohi dugun tokiko saltokien bidez.

Txernobil elkartean ez dago soldatarik, ezta ia egitura-gasturik ere, boluntario guztiak eskuzabaltasunez ari dira lanean. Plataforma honetan jasotzen den laguntza guztia Ukrainatik antzematen diren oinarrizko premiak arintzeko erabiliko da: adibidez, elikagai eta botikak; nahiz eta gatazka eta haren ondoriak garatu ahala premiak alda litezke.

Ukrainan 1996tik lanean

FUNDAZIOAA

CHERNOBIL elkartea 1995eko azaroaren 8an sortu zen Bilbon, eta urte horretan egin zen udako lehen harrera-programa. 1986ko apirilaren 26an gertatu zen Txernobilgo hondamendia eta kaltetutako haurrei arreta emateko sortu zen, NBEk eta OMEk egindako elkartasun-deiari erantzuna emanez. Harreren arrazoia NBEk 1991ko abenduaren 18an egindako deialdian dago.

HELBURUA

CHERNOBIL elkartearen helburua harrera-programan parte hartzen duten adingabeek hondamendi nuklearrak kutsatutako eremutik gutxienez urtean 40 egunez alde egin ahal izatea da, OMEk gomendatzen duen bezala. Horrela, erradioaktibitatearekiko esposizioaren ondoriozko gaixotasunak izateko arriskua murriztea lortzen baita.

HARRERA

Adingabeei hainbat urtez egiten zaie harrera, udan bi hilabetez beren borondatez eta modu desinteresatuan haur horiei lekua egiten dieten familia berberetan. Gabonetako jaietan ere harrera osagarria egin ohi da. Udako azken programan (2019) 192 haur hartu zituzten EAEko eta Nafarroako familiek.

Informazio gehiago nahi duzu? Lagundu nahi duzu?

Jar zaitez gurekin harremanetan, zalantzak argitu nahi badituzu.

Harrera

Kontaktua